Siti tanah besai Burung Kenyalang ke manah ke gemu, bansa bebaik, udah lepas ari ke saratus taun kena pegai Brooke, Jipun penerumpak, British koloni, lalu tetapakka maya empat buah menua Malaya, Singapore, Sabah enggau Sarawak udah masuk ke 50 taun nudukka Malaysia, anak rayat bumi Burung Kenyalang laban ngambika ulih lebih manah agi ngetanka hak penguntung semua rayat Sarawak, ditu diatu, enggau penuh basa madahka bejadi numbuhka “PARTI BUMI KENYALANG” (Disebut mintas PBK tauka dikumbai “Parti Anak Kenyalang”.)

Tuju Parti tu:

1 Ngikut undang undang, berjuang nudukka sebuah masarakat nadai bepilih bansa enggau ugama, bebas, biadat demokrasi, rata sereta maju kaya.

2 Ngetanka sereta ngemanahka perintah ke digaga nitihka atur system adat parliamentary democracy.

3 Nirika sebuah perintah ke bekereja basil tinggi, beresi, menyalaika kereja perintah tebuka terang nyengkaum sereta menyalaika kereja ajensi perintah tempatan.

4 Ngansak lalu nyaga ekonomi, pelajar enggau budaya pupu bansa mansang selaras (seimbang), lebih agi deka ngubah ngemanahka ekonomi urang ke masih jayuh tinggal.

5 Beratka pun pemansang menua sisir enggau pemansang ekonomi .

 6 Ngetan lalu ngansak tiap raban bansa bebabik lalu sama sati, ngambika masih majak nampung menampung semengat rayat Sarawak ke bepengarap pengeras ati enggau pengerajin tulang gawa.

7 Didalam kandang Malaysia masih majak ngansak ngetanka kuasa S’wak.

8 Ngetan, jamin jaga hak adat asal urang bumi.

9 Sapa Parti tauka gerempung tauka sekeda urang ke sepenemu enggau tuju adan parti tu, tau enggau bekereja sama.

10 Sereta nyengkaum ngereja pengawa ke tau pulaika penguntung parti tu, tang bedau bisi dipasuk ka dalam tusun bidang pengawa ke dalam parti tu.

Tuju Parti tu kepengambis tinggi nya meluk semengat chintaka menua chintaka rayat, ngulihka penyenang pengelantang, besumpah “bejuang” bejadi program (programme) nudukka sebuah masarakat adil!

Progrem Masarakat Adil

 (1) Politik, Administration (Pentadbiran)

1.1 Sarawak ke tiga nyadi kaban persekutaun tanah Malaysia ke enggau ngaga sebuah menua, penuduk iya patut ditetapka baru sereta kena jaga, atur polisi ke enda seimbang tauka kena kemeluka, patut diperunding patut dubah baru.

1.2 Ngetanka atur adat enggau sempekat Sarawak enggau Sabah ke enggau numbuhka Malaysia. Asa bedau kala mansa atur nitihka tusun turan, bedau kala dipesetujuka rayat Sarawak enggau rayat Sabah, ke dibuai tauka diubah, patut perunding ka baru, tauka pulai ke asal baru. Sebarang atur adat ke enda patut ke ngerusak penguntung hak rayat Sarawak deka diperunding sereta dubah baru.

1.3 Semua kena jaga sereta dipejalaika kuasa pentadbiran perintah pilih ari atur adat demokresi. Nudukka perintah Sarawak enggau ejensi pentadbiran bekereja biasil tinggi.

1.4 Timpuh sekat pengelama nyadi Kepala Menteri Sarawak ditetapka dua penggal tauka 10 taun. Dipejalaika enggau terit, tiap iti kepala jabatan (department) tauka pengerusi kaunsil dipaduka enda tau lebih ari dua penggal.

 1.5 Ngiga urang bekereja perintah tauka nuduhka pegawai, meseti deka ngambi ari segi pemandai enggau moral (manah perangai manah ulah). Tiap bansa meseti deka dibagika peluang enggau patut, terit nagang mgambi kunchu, ngambi diri sebala.

1.6 Menyalaika atur adat kaunsila tempatan deka ngena chara bepilih lalu main tuduh nyadi ke penyararas (ke gembar).

1.7 Menyalaika polisi adil dalam semua bidang pengawa enggau pupu bansa. Tang enda tau silap ka pengamat gaya pemansang bansa enda sebaka, deka enggau chara ke patut ngangkatka pemansang bansa ke agi lemah dalam bidang ekonomi, peluang pengawa, pelajar.

Tusun baru, enggau patut magi pemesai siti kawasan kaunsil negeri

tauka kawasan parliament. Magi kawasa nitihka gaya pemayuh mensia nyadi ke perinsip, nyadi nangkan ke nya, gaya pemesai kandang menua enggau gaya pengidar raban bansa ke diyau mega deka dikibuhka.

Ubah baru pengatur pengawa bepilih . Numbuhka pengatur ke enda

dikontrol ulih parti politik, ke enda dikontrol ulih sapa sapa, ngambika pengawa bepilih adil ngena chara ke betul adat demokrasi.

Rayat Sarawak diberi sama bisi kuasa nangkup nama nama pengawa

perintah persekutuan enggau pengawa awam. sereta enggau nyadipolicy maker” (pengaga polisi).

Buai undang undang ke sebaka enggau ISA, ke bedau dipecharaka

temuh terus ditangkap dejil, adat kejai ngelanggar kuasa mensia idup.

 1.12 Terit ngemataka asil kereja unit polis dalam Sarawak ke menyalaika undang undang sereta nyaga pengelikun; ngemataka asil kereja enggau pengadil “judicial department” megai law: ngemataka asil kereja sereta

pengulurus semua pejabat enggau ejensi perintah persekutuan dalam Sarawak. Sarawak bisi kuasa ngasuh nukar kepala pegawai ke ngereja penyalah ke gawa ba sebarang endur opis tauka ba ejensi perintah persekutuan .    

1.13 Nudukka ejansi tengahari ka Sarawak, neritka pengawa ngelaban pengawa makai suap, pengawa ke salah guna kuasa, sama begembar enggau pejabat persekutuan ke ngelaban pengawa makai suap enggau pengawa pemansik, ngambika serap silik agi ngereja pengawa ngapuska ulah salah guna kuasa, pegawai bekaul enggau urang dagang kunsi ngereja penyalah, ke balat nanggul pemansang sereta balat ngeruwa muai wang.

(2) Ekonomi Enggau kewangan (finance) 

2.1 Numbuhka chara atur ke patut magi penatai pemisi Sarawak: chara atur ke patut magi kewangan persekutuan enggau kewangan negeripegawai enggau rayat ke dalam negeri, tiap peringkat pemisi rayat.digaga atur chara ke patut bebagi.

2.2 Wang taun ke diberi ari Kewangan persekutuan ka Sarawak patut nitihka jasa Sarawak sereta nitihka pematut guna kena ngaga pemansang negeri Sarawak.

Asal pun lubang penatai pemisi Sarawak, nya endang reta pengaya

kunsi semua anak uchu ambu pupu bansa rayat Sarawak, Patut diatur ngasuh nadai putus putus mansang, muka tauka ngaga langgur pemansang enda ngerusak rampa menua, terit enda ngasuh sebarang ngereja pengawa ti mai pengerusak, terik manah manah nyaga rampa menua.

 2. 4 Telahka muka ngulihka penatai asal pemisi (nature resource) Sarawak tauka langgur muka pemansang, ngelui ke ngalauka sekeda ka ejensi ke besangkut paut enggau perintah Sarawak, enggau raban bansa ke masih lemah, meseti ngena chara “tinda” (tender) tebuka, Sarawak patut dulu perundingka, terit nagang pengawa ke salah ati ngibuhka ging, ngibuh kediri sebala tauka pegawai enggau urang dagang bekaul.

2.5 Telahka atur perambu pemansang “urang mayuh” (pablik/publick), ngelui ari ke ngalauka sekeda raban bansa ke agi lemah, ke sekeda bala ke beraban sereta ke rayat Sarawak, ke bukai semua deka ngena chara “tinda” (tender) tebuka, tebuka ka rayat seruruh menua ke layak. Didalam menua kurang juruteknik, pekekas (perengka) sereta kurang wang kena nangkup projek nya, nya baru tinda nya buka ke international kompeni (kompeni menua luar), ngambika nyaga wang keluar masuk enggau patut sereta kereja ulih dipejalaika biasil tinggi.

Diperandauka baru, berunding enggau chara ke patut nikika royalty minyak , ari kediatu 5% ditikika ngagai 30%.

2.7 Wang (fund) projek mit menteri, kaban MP kaban kaunsil negeri diberi nadai ngira lantar belakang politik, iya diberi ngagai urang ke betul betul begunaka.

2.8 Nyaga lalu ngangkatka rayat Sarawak ke berikan di tasik besai. Terit nyaga pengawa kesalah sebarang nangkap ikan tasik Sarawak. Terit ngapuska kereja lisin menua tu disuwaka kapal berikan urang menua luar, nyaga penatai asil pansut ari tasik chukup belama ke ungkup kitai empu.

2.9 Penapat menyalaika pengawa bumai bekebun chara moden, beratka pengawa mansutka barang pemakai (food), indasteri pemakai enggau pengawa betupika jelu, ngenataika ngagai adan “asil ulih” chukup keguna empa\diri. Muka kebun lading besai besai, meseti deka nitih ke turan ke enda ngerusak rampa menua sereta ke enda tau ngalah enchurubuh tanah urang bansa asal.

2.10 Penapat ngemansangka “ramu” (material) menua tu nyadi ka batang

guna, bepenguntungka barang dijual keluar (export) lalu ngaga peluang kereja. beratka pengawa beteknikal tinggi sereta kilang bansa bisi penyaga rampa menua. Penapat engkebang teknikal tinggi, ulih nyendiaka pengawa begaji besai, kena ngenanka urang muda, urang “professional” ( pelajar tinggi gawa pandai) bekereja dimenua tu.

2.11 Penapat ngaga Sarawak nyadi kilang pelanchong ke manah bisi chura iya empu.

2.12 Nudukka sebuah tauka dua buah bank ke bepunka Sarawak, pemegai puku modal besai menua tu empu, urang menua tu empu ke bekuasa besai ke atas bank nya, ngambika ngalakka pengawa finance, awakka jampat meri kemudahan ka guna pengawa kilang, pengawa bumai bekebun, ke urang dagang. Bank local (tempatan) patut tau diseliahka ari sekeda undang undang Bank Negara (pemesai puku, pemayuh cabang)。

Nyakal menyalaika polisi ‘chukai penguna’ (consumption tax)

Turun besai ke agi chukai kereta kemit, ngambika meri penguntung ngagai urang kekurang pemisi enggau urang ke sedang pemisi, turun besai ke agi chukai transport ke dikena urang menua sisir, perintah persekutuan enda ulih ngeluarka belanja chukup, perintah Sarawak ngaga atur system (system) elaun (allowance) mantu.

2.14 Ngurangka rega minyak disil, minyak petroleum, gas enggau rega barang asil (product) kedigaga bekait enggau minyak, jaga ngempang minyak subsidy ke dijual belalai, ngambika nurunka rega barang, nguntung ka semua rayat. enti perintah persekutuan enda ulih ngereja, perintah Sarawak numbuhka atur “subsidi” (subsidy) system.

2.15 Numbuhka tabung (fund) bansa ke mit ka urang muda muka dagang.

3Budaya Pelajar

3.1 Nitihka asal sepekat numbuhka menua menya, Sarawak ba pelajar bisi kuasa kediri. Ngetanka batang pelajar bahasa, ngeninggika pelajar English, jaga kuasa tiap raban bansa ke bisi kuasa belajarka surat asal diri dalam pemeri sekul, lebih agi deka bebendar ngangkatka budaya raban Daya, pasukka agis ari “rancangan belanjawan pelajaran kerejaan”. Enda chukup perintah Sarawak ari kewangan iya nyukupka.

3.2 Ngakun setipikit”certificatesekulah menengah, perintah

Sarawak meri bantu ninting taun.

Meri anak Sarawak besekula dalam menua diri ari pemeri ngagai unibasiti

(university) nadai bebayar.

Dalam Sarawak nambah ngaga “pablik unibasiti” (public university),

nambahka peluang penuduk pelajar tinggi, semua nemiak pelajar ke layak sama bisi peluang masuk unibasiti tempatan tauka unibasiti ke bukai di menua tu empu.

 3.5 Semua vocational school ke di menua tu digaga lengkap manah,

ngambika bisi endur urang muda enggau bala nemiak sekula ke nadai peluang belajar ngagai sekula tinggi belajarka pengelandik gawa.

3.6 Jamin nyaga kuasa ngemansangka semua main budaya pupu bansa.

(4) Pasal nyaga pengerai

4.1 Bebayar murah ngibuhka usemua rayat lebih agi nguntungka rayat ke baruh penatai, atur system (system) ke chukup ngasi nyaga pengerai, sekeda belanja pesekutuan enda chukup, ari perintah Sarawak tau mantu.

4.2 Hospital kunsi semua deka diberi chukup doctor ke layak , lalu masih majak belama ngeninggika pekekas perengka ke diguna.

4.3 Ngirum ka doctor terebai gawa ka menua sisir kejauh jauh.

(5) Pasal begagaka pun pemansang

5.1 Transport, elektrek, ai, komunikasi, perubatan, pelajar, pengkalan, aviation (penerbangan), pentadbiran, pengawa kilang dagang, tempat diau, tempat main, raun (melawat)penyaga ari angus, penyaga utai idup

utai tumbuh sereta pun pemansang ke bukai mega, dalam masa timpuh ke pandak deka digaga dipebanding sama setarap tauka nyulut agi pega ari pemansang menua dalam Malaysia.

Ngangkatka tarap jalai ke kebisi diatu manah atur sereta likun.

Diseruruh Sarawak “height way” gaga dua begembar, dua garis putih;

Jampat ngaga jalai seruruh Sarawak ari pasar rembus ke pasar menua sisir;

Ngaga jalai ke tempat menua ba urang ke mayuh diyau betumpuk.

5.3 Enggau atur manah ngaga system jalai pasar jalai kampung, ngenyenangka urang mayuh nambang kerita..

Beri lengkapka bekal elektrik, ai beresi sereta “ alat telekomunikasi”

(telecommunication equipment) , netapka dalam masa dekat ngerembaika seruruh pasar enggau luar pasar.

5.5 Kontrol sereta turunka besai ke agi bayar api enggau upah penyambung kuasa karan, turunka bayar komunikasi enggau intenet.

5.6 Sarawak ngaga system bekaul terus enggau internasional penerebai bilun enggau kala pengangkut barang, ngambika senang agi ngemaruhka pemesai puku, ngeringka pengawa dagang, lebih manah agi ka pengawa dagang temuai.

5.7 Kontrol sereta turunka rega tikit bilun ka semananjung tauka dalam Sarawak empu.

(6) Tanah

Kuasa tanah nya sigi kepun seput pupu bansa rayat Sarawak.

6.1 Jamin nyaga pengempu tanah ke bisi kuasa ba tanah nya.

6.1.a. Jamin jaga mitkah, umbas pengemitkah, kilangkah, tempat bedagangkah,

tempat endur diaukah, persatuankah, bansa tanah endur betanam betupi,

chukup timpuh tau didupka baru, tau dilanjutka. Tanah ke udah chukup

timpuh, dampi nyadi keguna urang mayuh (public) pin deka dibayar

nitihka rega market (markrt price)

6.1.b. Jamin ngakun hak kuasa pengempu tanah NCR. Tanah NCR ke udah

dituku endur betanam betupi diberi kena jaga undang-undang, enggai ke

dalah ka urang bukai. Deka dulu ngibuh meri geran tanah ka rumah

panjai, tanah ke udah lama ditanamke buah, tanah kelama udah ditemu

endur bumai bekebun belama lama.

6.1.c. Urang asal ke mayuh besai amat tanah pin deka enggau jampat nentuka,

ngamat ke pemetul pemesai,lalu mega deka bisi kena jaga dalam undang

undang, enggaika urang bukai datai enda beradat ngalahka.

6.1.d. Nudukka tiap peringkat kut tanah NCR urang bumi., nguatka kereja ati

ngaduka tanah ke udah lama bendar dalah ka urang ke enda beradat,

sereta ngaduka mayuh bendar kes ke ngalahka enchurubuh tanah urang

tauka kes laya berebutka tanah.

6.1.e. Tanah kena ngaga ka guna urang mayuh, meseti dibalas nitihka pematut.

6.1.f. Tanah ‘dibeku’ (frozen) ka langgur guna ‘ pablik’ (public), sekat tiga

taun timpuh; abis timpuh nadai dikereja,automatik’ (automatic) angus.

6.1.g. Perintah ngena tanah urang keguna ‘urang mayuh’ (pablik), dipentin terit

enda tau dikalih dikena urang bukai. Tanah dikena, meseti deka dibayar

jampat, enti mungkir janji, janji ngena tanah nya nadai ngasi agi (nadai

diguna agi).

6.2 Muka ngemansangka tanah, nyengkaum tanah NCR meseti deka dulu ngaga langgur atur ke manah. Ari pun perinsip ke ngenanka hak kuasa tuan

tanah, meransang urang dagang kunsi muka pemansang ditanah nya. Atur undang undang chukup, system kena jaga ngemataka pin terit, ngambika nyamin penguntung kedua piak sama dijaga manah.

6.3 Tanah public Sarawak

‘Beku’ (freeze) ka semua utan asal.

Bekuka pemuka pengawa ke balat ngerusakka rampa menua ngerusakka ai pemakai .

Enggau atur sistem ke betul minta urang muka tanah pablik, sekeda peluang galauka raban bansa ke masih lemah enggau sekeda urang ke bebala ngena chara main tinda (tender) terang tebuka ngagai semua ke layak. Kunchu kunchu, kaban belayan diri, nya sigi terit dipentin,enda dikemendar masuk tender.

Peluang ke diberi ngagai urang muka tanah dibagi: besai, jelan

pemesai enggau kemit.

6.4 Bejadi polisi ‘urang bumai bekun’ bisi tanah kediri empu, nyaga urang

ke bumai bekebun mit mit bisi tanah kediri empu endur betanam betupi

sepemanjai masa.

(7) Rumah

7.1 Serapka menyalaika polisi ngambika semua sama bisi rumah endur diyau (diau). Perintah enggau patut ngaga rumah rega murah dijual tauka disuwa ke setapak enggau penatai pemisi ke baruh, lebih agi deka ngibuhka urang bekerja dipasar datai ari menua sisir ke jauh, ngambika bisi peluang manah ka sida.

7.2 Padam ka pengawa ‘monopoli’ (monopoly) ‘material’ (penemu nengali kediri nguasa ramu), ( buka) kemendar ka masuk ramu kena begagaka rumah, turunka ckukai material, ngambika puku ngaga rumah pin turun baruh.

7.3 Kuasa ngemendarka, bagi ngagai peringkat pentadbiran dibisenal (divisional), ngambika jampat agi ngemendarka permohonan rumah tarap medium enggau kemit agi.

(8) Kebajikan

8.1 Nudukka siti sistem ngintu urang tuai, urang chachat, penyakit masalah untak, indai tunggal, anak ke nadai apai indai, kepenyakit raya, penusah bilik nyadi ari ketegal eksiden (kemalangan). Nyaga urang kekena penusah enggau sida sebilik, bisi peluang berubat bisi peluang diberi besekulah.

Disebarang bidang pengawa, bisi atur letak gaji pengabis baruh berapa.

Numbuhka system nyaga pengidup rayat Sarawak pengabis baruh berapa, lebih agi ka rayat menua sisir.

 (9) Menua kampung kejauh enggau urang asal

 Di Sarawak kampung kejauh enggau bansa asal ba pun pemansang sigi masih jauh timpang pemansang, pelajar enggau ekonomi sigi masih lemah bendar, timpang kurang atur kena nyaga penusah bebadi, perintah Sarawak dalam pentadbiran enggau wang, pajak mayuh ke agi muai masa enggau belanja.

9.1 Ngaga sistem ngangkatka pemanah jalai raya, pelajar, eletreksiti, ai,

perengka kena bejaku/komunikasi, bomba sereta pengawa perubatan.

Majak ngangkatka pemanah transport, pelajar, pelajar teknikal, belatih

betanam betupi, pengulih asil, ngangkatka pengelandik ngeruruska wang ringgit nganmbika ‘keadaan’ ekonomi angkat mansang manah samanah.

9.3 Meri puku wang, teknikal, manpower, sereta nulung ngena pekekas/

ngambika dimenua sisir diatu ke tebal agi berumah kayu ke mudah angus, lebih agi rumah panjai, ngambika enda mudah empa api. Tiap kampung digaga atur penyaga api sereta numbuhka komiti sama betulung nyaga api.

(10) Pengarap ugama

Jamin bebas meluk ugama, enggau sedang iya meri tulung kamenua sisir ngaga /miki gereja/masjid .

Jaku nerang sereta arapka

Programme ke datas sigi enda chukup, dudi nambahka baru. Nambah

ngubah nya nitihka gaya peringkat kuing pemansang dunya ke enda sama , udah nengah kemendar aum besai kaban parti baru diterang dipejalaika.

Parti tu deka bekereja sama dalam sepemanjai masa tauka sementara

enggau semua parti, persatuan tauka sapa ke bisi sama sebaka program enggau tuju adan ti dijuluk parti tu, ngulihka semua rayat Sarawak idup lantang senang kaya raja, sereta ngaga pemaik enggau pengering ka Malaysia.

 

Dikeluarka ulih:

 

KOMITI PUSAT

 

PARTI BUMI KENYALANG (PARTI KUNSI SEMUA RAYAT)

 

26 hari-bulan 10 taun 2013

Joomla SEF URLs by Artio