NAMA RETI PERIMETER SURVEY DISUKAT SEKSYEN 6?   Tanah Temuda tauka Kebun Getah IRAD ke disukat Perimeter Survey nitih Seksyen 6.   Bisi dua macam NCR.    1. NCR Dayak - Native Customary Right (Sek 5)    2. NCR Perintah - Native Communal Reserve (Sek 6) 

  *SEKSYEN 6.1*   • Seksyen 6 (1) madahka Menteri tau netapka sebarang Tanah Perintah (State Land) nyadika Tanah Rizab GUNASAMA Bumiputera ke guna betanam-betupi.  • Reti nya tanah ti udah ditetapka nyadika Tanah Rizab GUNASAMA Bumiputera endang sigi Tanah Perintah (State Land) ari kelia menya lalu bedau kala dikumbai Tanah Adat Asal (NCR).

*NAMA RETI PERIMETER SURVEY DISUKAT SEKSYEN 6?*

Tanah Temuda tauka Kebun Getah IRAD ke disukat Perimeter Survey nitih Seksyen 6. 

Bisi dua macam NCR.
1. NCR Dayak - Native Customary Right (Sek 5)
2. NCR Perintah - Native Communal Reserve (Sek 6)

*SEKSYEN 6.1*
• Seksyen 6 (1) madahka Menteri tau netapka sebarang Tanah Perintah (State Land) nyadika Tanah Rizab GUNASAMA Bumiputera ke guna betanam-betupi.

• Reti nya tanah ti udah ditetapka nyadika Tanah Rizab GUNASAMA Bumiputera endang sigi Tanah Perintah (State Land) ari kelia menya lalu bedau kala dikumbai Tanah Adat Asal (NCR).

• Empas ari Seksyen tu mai reti Perintah udah mutuska penemu dikena BEKUNSI Tanah Perintah (State Land) iya ngagai raban bansa ke bulih Lisin Seksyen 6 (1) tu. Raban bansa ke diau ba atas Tanah Rizab GUNASAMA Bumiputera sempama orang kampar ti tau diburu sebarang maya nitih ka peneka Perintah laban tanah tu endang sigi Tanah Perintah (State Land).

*SEKSYEN 6.2*
• Seksyen 6 (2) madahka enti sema bisi penyarut dalam siti-siti raban, undang-undang enggau atur dikena mutarka penyarut deka bepelasarka atur enggau adat raban bansa nya.

*SEKSYEN 6.3*
• Seksyen 6 (3) madahka, TAJA PAN adat raban bansa nya dikena ba semua pekara bekaul enggau penyarut dalam raban bansa nya, tanah nya endang meruan Tanah Perintah (State Land) lalu orang ti diau ba atas tanah nya semua nyadika PEMEGAI LISIN aja.

• Reti nya tanah nya Tanah Perintah (State Land), sebarang raban bansa ti diau nguan Tanah Perintah (State Land) nya semina nyadika Pemegai Lisin ti tau dikemaruka; lalu tu pulai ngagai pemutus Pengarah Opis Tanah & Survei enggau Menteri sekalika deka tauka enda/enggai ngemaruka Lisin Seksyen 6 (1) nya.

*SEKSYEN 6.4*
• Seksyen 6 (4) madahka Menteri bisi kuasa ngambi tanah ari sesebengkah raban bansa dikena ngatur PENGAWA PEMANSANG lalu Perintah patut mayar pampas ke tanah ti diambi ari raban bansa (ba endur) nya.

• Reti nya sesebengkah raban bansa nya enda ulih nagang/nyekat peneka Perintah ngambi tanah nya di sebarang maya. Raban bansa nya patut nerima/nyambut SEBARANG PENYAMPAU BAYAR PAMPAS TI UDAH DIPUTUSKA Perintah, lalu Perintah bisi kuasa ngereja sebarang pengawa ba atas tanah (ti diambi) nya.

Nemu kita kebuah *kerajaan *GPS/BN* Ngena *section 6* tang enda ngena *section 18* meri pala tanah ngagai kitai bansa asal di menua Sarawak.? 

*Section 18*
- Enti tanah kitai, ambika banding tanah temuda rimba kitai di kategori ka ngena section 18 ,reti iya tanah nya hak mutlak kitai, *Nadai urang tau beambu, ngereja ( _develope_ ) tauka betanam ke utai ba tanah nya, kelimpah ari kitai ka bempu*
- Kitai ka bempu ka tanah nya pan enda ibuh bebayar ke cukai ngagai perintah lalu ba undang2 tanah menua Sarawak pan enda tau ngeluar ka *PL ( Provisional lease)* ke Atas tanah ka di kategori ka ba Section 18.

*Tang enti Section 6*

*Section 6*
- Tanah Ke di kategori ka ba section 6 ,hak milik tanah tu *Hak Guna Sama* reti hak guna sama tu, sama tau ngena, sama tau ngereja utai dia, nadai milih sapa. Nya ke suah didinga kitai diatu *"Usufructuary Rights"* *Tau ngena tang enda tau bempu* 
- Kelimpah ari nya, Tanah kitai ka Udah di kategori ka ngena Section 6, enti dalam undang2 tanah menua Sarawak *PL tauka Provisional Lease* tu tau dikeluar ka, apabila PL dikeluar ka perintah ba tanah nya reti iya Company2 ka bisi megai PL nya tau ngereja utai ba tanah nya lalu beambi ulih beambi untung ari tanah nya. 

*Kesimpulan Ya ditu*

- Nya kebuah GPS/BN bebendar ka ngaga limit ngagai tanah ka di kategori ka ngena section 18 tang Section 6 di paju ka., ngambi ka _PL tu ulih dikeluar ,enti ari legal sida PL holder tu mesti mayar premium ngagai Perintah menua Sarawak_
- Tang enti ari *illegal* sida YB Menteri tau beambi ulih ari PL ka dikeluar ka tu tadi ngena Cara ngambi kantau kediri.,joint venture enggau company ka besai2 lalu muka ladang tanpa ngeluar ka duit sesen janji PL tu Udah dikeluar. 

Diatu kitai udah nemu nama kebuah GPS bebendar ka ngena section 6 tang ukai section 18. 

- *Kroni kapitalis* - Nyaga kroni sida Serta jalai duit sida baka PL Holder ngambi ka meruan beambi ulih ba tanah rayat. 
- Enti semua tanah di kategori ka ngagai section 18 ,reti iya nadai agi State land ,lalu nadai agi jalai duit perintah. 

Nya alai diatu udah terang - terang bala sida Uggah ngemeli lalu ngelabur ka mata kitai urang Asal. Uggah enggau bala kroni iya semina ngira jalai nyaga bala PL Holder, nyaga jalai duit sida tang enda berunding ka ungkup rayat. Arap ke kita nemu reti utai tu. *Badu agi negi Ka BN ka belalai ba nama GPS baka kumang menyarung* Buai sida ka enda ngeringka hak rayat maia *PRN 2021* tu ila ngambi ka tau badu nipu badu ngayah ngelanyah ka bansa kitai.

*Kena kunsi penemu aja